Prishtinë, 16 shtator - Ministria e Mbrojtjes ka njoftuar se sot në Kazermën e Forcës së Sigurisë së Kosovës “Adem Jashari”, në Prishtinë, do të mbahet ceremonia e betimit të kadetëve të rinj të FSK-së.

Në këtë ceremoni do të marrë pjesë Ministri i Mbrojtjes, Armend Mehaj, komandanti i FSK-së, gjenerallejtënant Bashkim Jashari, zyrtarë dhe ushtarakë të lartë të Ministrisë së Mbrojtjes dhe FSK-së, si dhe zyrtarë dhe ushtarakë ndërkombëtarë.