Prishtinë, 14 qershor - Sot mbahet gjykimi i liderët të lëvizjes "Vetëvendosje", Albin Kurti, pas disa shtyerjve të gjykimit në mungesë të tij.

Zëdhënësja e EULEX-it, Karim Limdal, përmes një njoftimi për media ka bërë të ditur se gjykimi do të fillojë në orën 10 në Gjykatën e Qarkut në Prishtinë.

Arrestimi i Kurtit ndodhi pas një konference ku drejtues të Lëvizjes “Vetëvendosje” kishin organizu për të bërë të ditur se do të marrin pjesë në zgjedhjet e ardhshme parlamentare në Kosovë.

Lëvizja Vetëvendosje e ka cilësuar arrestimin e liderit të saj, Albin Kurti, si shprehje e frikës së pushtetit aktual në Kosovë, pas vendimit që kjo lëvizje të marrë pjesë në zgjedhjet e ardhshme. Duke e cilësuar si proces të montuar politik, "Vetëvendosje" ka thirrur protestë për lirimin e Kurtit në ditën e fillimit të gjykimit ndaj tij.