Prishtinë, 5 qershor - Ka përfuduar me sukses aksioni për dhurimin vullnetarë të gjakut, në kuadër të manifestimit “Ditët e Pjetër Budit”, që u organizua në objektin e Kolegjit “Pjetër Budi”.

Studentët dhe stafi së bashku me disa dhurues vullnetarë jashtë Kolegjit “Pjetër Budi”, i’u kanë përgjigjur thirrjes për dhurimin e gjakut,  dedikuar personave të lënduar që shërohen në institucionet shëndetësore të Kosovës.

“Kjo është hera e tretë që në vijmë në Kolegjin “Pjetër Budi”, kësaj radhe me ftesë të organizatorëve, në kuadër të manifestimit “Ditët e Pjetër Budit”, dhe duket se kjo do të bëhet tradicionale”, tha Fadil Mahmuti, menaxher për marketing dhe informim në Transfuzionin e Gjakut, i cili theksoi faktin se kërkesat për gjak janë shumë të mëdha.