22 Mars 2023

Situata me COVID-19 në Gjermani është më e rënda që nga fillimi i pandemisë

Berlin, 2 dhjetor - Situata me COVID-19 në Gjermani është më e rënda që nga fillimi i pandemisë vitin e kaluar, paralajmëroi sot shoqata DIVI e vendit për mjekësinë urgjente.

Nëse shifrat vazhdojnë të rriten me këtë intensitet, Gjermania do të shohë më shumë se 6.000 pacientë me koronavirus në repartin e kujdesit intensiv në dy javët e ardhshme para festës së Krishtlindjes, thuhet në deklaratën e DIVI-t.

Mjekët e kujdesit intensiv u kërkuan autoriteteve që të zbatojnë me shpejtësi masa më të ashpra për të reduktuar kontaktin fizik dhe social dhe të konsiderojnë mbyllje të përkohshme për të përmirësuar rritjen e paprecedentë të infeksioneve të reja.

Shumë spitale në rajonet më të goditura nga COVID-19 në Gjermani kanë mbetur pa shtretër në repartet e kujdesit intensiv dhe kanë shtyrë të gjitha operacionet jokritike pasi vendi po lufton me një valë të katërt të rëndë të pandemisë.

Në repartet e kujdesit intensiv janë shtruar 4.636 pacientë të sëmurë rëndë në të gjithë vendin të martën, ku 2.383 prej tyre janë në ventilatorë, sipas shoqatës DIVI.

Pavarësisht kufizimeve të reja të shpallura nga autoritetet lokale muajin e kaluar, infeksionet mbeten të larta, veçanërisht në rajonet lindore dhe jugore të vendit, përfshirë Saksoninë, Turinginë dhe Bavarinë.

Instituti Robert Koch (RKI) konfirmoi 67.186 infeksione të reja në 24 orët e fundit, nga 45.753 raste të raportuara të martën.

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)