Vjenë, 16 korrik - Sëmundjet seksualisht të transmetueshme mund të shfaqen më shpesh në të ardhmen, thanë ekspertët të hënën gjatë një konference të zhvilluar në Vienë.

Sipas tyre, bakteriet janë bërë më rezistente ndaj antibiotikëve, sidomos ndaj atyre që shkaktojnë sëmundjet si gonorrea, sifilisi, human papiloma, herpesi dhe HIV-i.

Organizata Botërore e Shëndetësisë bën të ditur se rreth 448 milion raste të reja të sëmundjeve seksualisht të transmetueshme, e të shërueshme, evidentohen çdo vit në grupmoshën 19-49 vjeç.

Sipas OBSH-së, të kombinuara me HIV-in ka rrezik të lartë për shtimin e mundësive të transmetimit.