Shteti dekurajon lindjet
Janë qeveritarët ata që dekurajojnë lindjet, duke iu rekomanduar familjeve që kanë paga të ulëta të mos bëjnë fëmijë. Ky anashkalim dhe dekurajim i lindjeve ka ndikuar që Kosova të kthehet 68 vjet pas sa i përket statistikave demografike.
Me numrin e lindjeve prej 27 mijë foshnjave në vitin 2014 që është shënuar në Kosovë, vendi është rikthyer në vitit 1947 kur ka pasur 27 mijë lindje me një popullsi dukshëm më të tkurrur.
Qeveritë e Kosovës, të ardhura në pushtet pas luftës, nuk kanë hartuar politika për shtimin e natalitetit, por as për mbrojtjen nga rënia e numrit të lindjeve në vit.
Sipas statistikave demografike në nivel të Ballkanit Kosova ka shpëtuar të rangohet me numrin më të lartë të vdekjeve, por jo dhe të prijë për natalitetin në rritje.
Demografë, sociologë, aktivistë të të drejtave të njeriut, përfaqësues të legjislacionit, deklarojnë se shteti nuk ka nxitur lindjen e fëmijëve me programe të veçanta për të ndihmuar familjet në rritjen e fëmijëve.
/Zëri/