Shënohet viktima e dytë nga gripi i derrave
Pacienti S. H (1965) ishte në gjendje të rëndë shëndetësore në respirator dhe ka përfunduar me vdekje në orën 04:30. Ai ishte shtrirë me datën 08.03.2014, në orët e mbrëmjes dhe kishte pezmatim të rëndë të dy anëve të mushkërive, pra ishte pranuar në ditën e 8-të të sëmundjes.
Nga 27 shkurt 2014, deri më sot, nga 232 mostrat e dërguara për analizë në laboratorin e Institutit Kombëtarë të Shëndetit Publik, 109 mostra kanë rezultuar pozitive, prej tyre 43 pacientë kanë rezultuar se kanë infeksion me gripin H1N1, dhe 56 raste me influencën e rëndomtë A.
Në Klinikën Infektive, aktualisht janë të shtrirë 6 pacientë, prej të cilëve 5 janë të konfirmuar me H1N1 në laboratorët e Institutit Kombëtarë (IKSHPK) dhe janë në terapi me Tamiflu.
Të dyshimtë për grip të shtrirë në Klinikë janë edhe 2 pacientë, për të cilët priten rezultatet nga laboratorët e IKSHPK, të cilët bëjnë diagnostifikimin laboratorik.
