27 Mars 2023

Rriten rastet me koronavirus

Gjenevë, 4 korrik - 2 vjet e gjysmë pas shfaqes së virusit Covid-19, bota po përballet me variante të reja dhe me një rritje të infeksioneve.

“Ne jemi në një situatë të keqe për momentin. Është shumë shkatërruese për shoqërinë dhe disa po vuajnë efekte të rënda”, thotë profesorja e shëndetit publik në Universitetin e Edinburgut Linda Bauld.

Pas rritjes së papritur të infeksioneve është edhe dalja e nënvariante të reja të Omicron të quajtura  BA.4 dhe BA.5. Këto dy forma të virusit janë teknikisht nën-variante të Omicron.

Prof Danny Altmann, një imunolog në Kolegjin Imperial në Londër thotë se është tronditëse se sa shumë virusi është në gjendje të ndryshojë duke krijuar variante të reja dhe vazhdon të na infektojë.

Ai kujton momentin kur pa analizën e parë shkencore të Omicron dimrin e kaluar: Ndjeva sikur sapo kisha parë filmin horror më të keq në planet dhe megjithatë ai vazhdon të përhapet.

BBC News shkruan se ne tani po hyjmë në një valë tjetër të përhapjes së Covid-19. Aftësitë ngjitëse të nën-varianteve të reja kur imuniteti i trupit tonë është i dobët do të thotë se mundësitë e infektimit me Covid-in të jenë më të mëdha.

“Ky virus vazhdon të na befasojë në mënyra të pakëndshme”, thotë Prof Mark Woolhouse, i cili studion shpërthimet e sëmundjeve në Universitetin e Edinburgut.

Vendimi i madh do të jetë rreth programit të vaksinimit përpara dimrit të ardhshëm, kush do të vaksinohet dhe po aq e rëndësishme me çfarë?

Si Pfizer ashtu edhe Moderna kanë njoftuar vaksina të përditësuara që synojnë Omicronin origjinal, por ky është tashmë një variant i vjetër pasi kanë dalë nënvariante të reja të tij

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)