Prishtinë, 21 korrik - Burime brenda Lidhjes Demokratike të Kosovës (LDK) kanë konfirmuar për "Prishtina Insight" se janë duke vlerësuar nëse duhet të kërkohet një nga intelektualët më të respektuar të vendit që të bëhet kandidat i tyre për president në zgjedhjet e vitit të ardhshëm.

Këto zgjedhje paraqesin një ndryshim të theksuar të peizazhit politik në Kosovë, ngase presidenti do të zgjidhet me vota të drejtpërdrejta.

Siç shprehet një zyrtar i i LDK-së për Prishtina Insight, ajo parti duhet të bëjë një “hap të mençur” për të mundur PDK-në. “Një hap i tillë do të ishte nominimi i Surroit për kandidat presidencial ngase ai ka një imazh të formuar”.