Prishtinë, 11 shtator - Në ditën e dytë të aktiviteteve rastin e përmbylljes së mbikëqyrjes së pavarësisë së Kosovës, sot, do të zhvillohet Konferenca “Kaptinë e Mbyllur në Ballkan”.

Presidentja Atifete Jahjaga, kryeministri Hashim Thaçi dhe Piter Feith mbajnë nga një fjalë rasti në këtë konferencë. Më pas zhvillohet konferenca “Tranzicioni në kohën e globalizimit”.

Ndërsa gjatë ditës do të zhvillohen sesione të konferencës ku do të ketë fjalime të personaliteteve të larta vendore e ndërkombëtare.

Gjithashtu sot zhvillohen takimet “Në prag të dekadës së dytë të pavarësisë, lista e rezultateve të Kosovës dhe të bashkësisë ndërkombëtare” si dhe “Çfarë më tutje për shoqëritë dhe ekonominë në Ballkan?”.