Londër, 26 korrik - Presidentja e Republikës së Kosovës, zonja Atifete Jahjaga, ka arritur në Londër për të marrë pjesë në ceremoninë zyrtare të hapjes së Lojërave Olimpike, me ftesë të sekretarit të jashtëm britanik, zotëri William Hague.

Në aeroportin Heathrow të Londrës, Presidentja Jahjaga është pritur nga përfaqësuesi i oborrit mbretëror të Mbretërisë së Bashkuar.

Presidentja Jahjaga merr pjesë në hapjen zyrtare të Lojërave Olimpike Londra 2012, ku do të marrin pjesë rreth 200 udhëheqës të vendeve të ndryshme të botës.