Prishtinë, 5 korrik - Lideri i Aleancës Kosova e Re dhe zëvendëskryeministër i Qeverisë në Prishtinë Behxhet Pacolli ka shprehur gatishmërinë për të zhvilluat bisedime me serbët në veri.

Në bisedë për \"Vesti\" ai dënon incidentet dhe sulmet gjatë shënimit të Vidovdanit.

\"Gjithmonë jemi të gatshëm për bisedime dhe bashkëpunim me serbët në Veri. Presidentja e Kosovës ka treguar gatishmëri për tu takuar me presidentin e Serbisë Tomislav Nikoliq.\"

\"Unë gjithmonë kam besuar se në bisedimet e drejtpërdrejta lehtë do të zgjidheshin problemet, që i mundojnë të dyja palët\", thotë Pacolli.

Si zgjidhje për veriun ai e konsideron formimin e zonës së lirë ekonomike, sikur zona Xhebal Alija në Dubai.