Prishtinë, 23 qershor - Me ftesë të Ministrit të Punëve të Jashtme të Republikës së Kosovës, Enver Hoxhaj, sot dhe nesër do të qëndrojë për vizitë zyrtare në Kosovë, Ministri i Punëve të Jashtme i Republikës Çeke, Karel Schwarzenberg.

Gjatë vizitës dy ditore, Ministri Schwarzenberg, do të takohet me udhëheqësit e Republikës së Kosovës, përfaqësuesit e Misioneve të huaja dhe autoritete lokale e fetare në Kosovë.

Ministri Hoxhaj dhe Ministri Schwarzenberg do të takohen të enjten.

Takimi do të fillojë në ora 16:45 në Ndërtesën e Qeverisë, salla  P 37. Ndërsa, pas takimit, në orën 17.15, do të zhvillohet një konferencë për medie e dy ministrave, në Sallën e Medieve të Qeverisë P32.