Mbahet seanca e parë e Legjislaturës se VII-të e Kuvendit të Kosovës
Seanca do të kryesohet nga deputeti më i vjetër në moshë, përkatësisht Jahja Koka, shoqëruar nga deputeti më i ri, në rastin konkret, deputetja Fjolla Ujkani.
Si pikë e parë e seancës do të jetë formimi i komisionit të përkohshëm për verifikimin e kuorumit dhe të mandateve, për t’u pasuar me betimin e deputetëve.
Seanca konstituive do të përmbyllet me zgjedhjen e kryetarit dhe të nënkryetarëve të Kuvendit.
Konform rregullores dhe praktikës së deritashme, grupi më i madh parlamentar që është Vetëvendosje, do të ulet në qendër, grupi i dytë me radhë LDK, në anën e djathtë të kryesuesit të seancës, ndërsa grupi i tretë PDK, në anën e majtë të kryesuesit.
