Kroacia mbështet Kosovën
Dubrovnik, 7 korrik- Kryeministri i Qeverisë së Republikës së Kosovës, Hashim Thaçi, gjatë vizitës së tij në Kroaci, ku po merr pjesë në Samitin e Dubrovnikut, ka zhvilluar një takim me kryetarin e Republikës së Kroacisë, Ivo Josipoviq.
Në takimin e kryeministrit Hashim Thaçi me kryetarin kroat Ivo Josipoviq, është biseduar për zhvillimet në rajon dhe për bashkëpunimin e gjithanshëm në mes të dy vendeve tona.
Kryeministri Hashim Thaçi ka njohur kryetarin kroat me procesin e përmbylljes së mbikëqyrjes së pavarësisë së Kosovës dhe për angazhimet e shtetit të Kosovës për të qenë pjesë e kontributit për zhvillimin e paqes dhe sigurisë në rajon.
Kryetari kroat, Ivo Josipoviq ka shprehur mbështetjen e plotë të shtetit kroatë për Kosovën në angazhimet e ndërtimit të një shoqërie demokratike dhe të integruar në strukturat evroatlantike.