Prishtinë, 8 tetor - Kryetari i LDD-së, Nexhat Daci, është duke pritur që Isa Mustafa ta ftoj në një takim për t’ia shpalos më hollësisht ofertën e tij për bashkimin e të gjitha partive të djathta. Lajmin e ka konfirmuar për “Epokën e re” një burim i afërt me Dacin.

I njëjti burim ka treguar se Daci e ka të vështirë për këtë ofertë, pasi shumë më herët i ka premtuar kryetarit të AAK-së, Ramush Haradinaj, se do të vazhdojë bashkëpunimin me të në zgjedhjet e ardhshme.

“Me gjasë përgjigja e Dacit do të jetë negative”, ka thënë i njëjti burim.