Prishtinë, 8 shkurt - Komisioni Qendrore i Zgjedhjeve (KQZ) në mbledhjen e sotme ka vendosur që në vend të Rrustem Mustafës - Remit, deputet nga radhët e Partisë Demokratike të Kosovës të jetë Bislim Zogaj.

Rrustem Mustafa – Remi, për shkaqe procedurale-juridike është dashur ta dorëzojë mandatin e deputetit, raporton Koha.net.

KQZ për këtë rast ka vendosur sipas ligjit.

Në mbledhjen e KQZ-së, anëtari i LDK-së Florian Dushi ka thënë se “pos rekomandimit për zëvendësim deputetësh duhet të sillen edhe informacionet të tjera për të qenë dokumentacioni i plotë”.