18 Maj 2024

Nëse duam Kosovë të pa rrezikuar nga serbët, le t’ia kthejmë atë Serbisë

Shkruar nga Kim Mehmeti

Nuk është gjithaq e frikshme ushtria serbe në kufi me Kosovën, as bandat serbe që e destabilizojnë veriun e saj, sa të trishton mendësia e ‘mendimtarëve’ shqiptarë që nuk e kanë kuptuar se shteti të takon vetëm për aq sa je i gatshëm ta mbrosh atë, e të cilët pyesin: çka nëse na sulmon Serbia e neve nuk na mbrojnë perëndimorët?

Kur i dëgjon këto pyetje publike që mbjellin frikë te populli, të vjen t’u thuash: nëse doni të flini të qetë, nëse doni shtet që do ua mbrojnë të tjerët dhe, nëse jeni për Kosovë të pa rrezikuar nga serbët, atëherë kthejeni atë atje ku ishte – në Serbi!

Po pra, sot Kosovën nuk  e rrezikon gjithaq Presidenti serbë, sa frika jonë e shprehur nëpër media e që atij ia ngjallë etjen për gjak shqiptar.

Prishtinën zyrtare sot e rrezikon edhe mendësia serbe e disa opozitarëve të Prishtinës, si edhe ajo e Kryeministrit të Shqipërisë, të cilët i stimulojnë forcat antishqiptare serbe duke u çuar sinjale se ajo që ndodh në Veri nuk e shprehë gatishmërinë mbarë shqiptare për t’i mbrojtur trojet e veta, por i pasqyron gabimet e Kryeministrit të Kosovës?!    

Dhe për gjithë ata që pyesin çka nëse serbët e sulmojnë Kosovën: Serbia e ka sulmuar Kosovën që ditën kur ajo e shpalli pavarësinë e saj. Dhe ky sulm do merr fund vetëm atëherë kur Beogradi do bindet se shqiptarët nuk e japin Kosovën.

Ndërkohë duhet thënë se vetëm idioti e ndjellë luftën, njësoj siç duhet thënë se duhet të jesh jo njeri që të shtiresh se nuk e dinë që sikur heronjtë e UÇK-së të kishin pyetur vetveten se çka nëse nuk  na ndihmon Perëndimi dhe çka nëse do e humbim luftën, atëherë kurrë nuk do e kishim këtë Kosovë që kemi.  

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)