Prishtinë, 17 shtator - Me qëllim të kontrollimit dhe testimit të mbrojtjeve rele të daljeve 10 kilovoltëshe, Korporata Energjetike e Kosovës (KEK), ka njoftuar nëpërmjet një komunikate se do të ndal energjinë elektrike në disa lagje të Prishtinës.

Në një njoftim të koorportatës thuhet se nga ora 12:00 do të shkyçen një pjesë e lagjes ”Arbëria”, një pjesë e lagjes ”Pejton”, Sheshi ”Nënë Tereza”, Zona Industriale-Veternik, rrugët:”Agim Ramadani”, ”Lidhja e Prizrenit”, ”Mark Isaku”, ”UÇK”, ”Xhemail Ibishi”, Gjyqi i Qarkut, Sigurimi Social dhe Fabrika Tjegullorja.

Secila shkyçje është e planifikuar të zgjasë nga 10 minuta.