29 Mars 2023

“Gazpromi” rus do të zbarkoj edhe në Maqedoni

Shkup, 10 shkurt - Kompania ruse e gazit, “Gazprom”, pas investimeve të saj në Serbi, po shqyrton mundësinë e hyrjes edhe në Maqedoni. Qeveria e Maqedonisë, gjegjësisht Kryeministri Nikolla Gruevski, ka shfaqur interes të lartë për të hyrë një kompani ruse e gazit, e cila shihet si një partner serioz për ndërtimin e sistemit të gazsjellësit në Maqedoni.

Ministri i Financave, Zoran Stavrevski, në një intervistë për agjencinë e lajmeve ruse, “Itas Tass”, theksoi se Shkupi zyrtar ka interesa të mëdha për të tërhequr gjigantin rus të gazit. “Duke u nisur nga projekti i qeverisë për gazifikimin e vendit, mendoj se interesi është i qartë për bashkëpunim me ‘Gazprom’.

Ne mendojmë që përmes projektit me ‘Gazprom’ të mbyllim borxhin e kleringut që Federata Ruse i ka Maqedonisë me një vlerë prej 60 milionë dollarësh”, ka theksuar ministri Stavrevski.

Edhe ambasadori rus në Shkup, Vladimir Solocinski, paralajmëroi nënshkrimin e projektit brenda dy muajve për realizimin e gazifikimit të Maqedonisë nga kompania ruse “Gazprom”.

Për ndërtimin e gazsjellësit nevojiten 200 milionë euro, ndërsa në realizimin e këtij projekti ka paralajmëruar pjesëmarrjen edhe qeveria.
 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)