29 Mars 2023

Berisha: Shqipëria, ambicie për superfuqi energjetike rajonale

Verona, 12 shkurt - Kryeministri i Shqipërisë, Sali Berisha deklaroi në Verona të Italisë se “ambicia kryesore e Shqipërisë është qe të kthehet në një superfuqi energjetike rajonale”.

“Ne jemi të vendosur që në vitet e ardhshme të vëmë në përdorim të gjitha burimet që do të shndërrojnë Shqipërinë në një eksportues të madh të energjisë. Ky është vizioni i qeverisë sime dhe sipërmarrjet italiane do të jenë të mirëpritura të kontribuojnë në këtë vizion”, tha kryeministri Berisha.

Shefi i qeverise shqiptare përshëndeti punimet e Forumit mbi Investimet në Evropën Juglindore në Verona, ne te cilin marrin pjese 600 përfaqësues të kompanive më të mëdha italiane si edhe ministrat e Ekonomisë dhe Tregtisë së vendeve të Evropës Juglindore.

Berisha pasqyroi para investitorëve italianë potencialet dhe mundësitë e mëdha të Shqipërisë. Ai tha se të premten do të firmosë së bashku me kryeministrin italian Silvio Berlusconi një marrëveshje të partneritetit strategjik midis dy vendeve.

“Unë kam qenë përherë i bindur që Shqipëria dhe rajoni i Ballkanit përfaqësojnë një treg me interes shumë të madh për investitorët italianë. Unë jam shumë i lumtur që kryeministri italian Silvio Berlusconi ka zhvilluar më tej këtë vizion”, deklaroi Berisha.

Ndërkaq, ministri italian i Ekonomisë Claudio Scajola tha se vendi i tij “përfshihet në projektet nukleare, sepse beson në to”

Dhe ashtu siç po orientohen vendet në të gjithë botën, ai beson se energjia e pastër për të mbrojtur ambientin dhe energjia me kosto të qëndrueshme në Evropën qendrore do të thotë rikthim në energji nukleare për prodhimin e energjisë elektrike për përdorim civil.

Sipas Skajoles, aktualisht janë 60 projekte në botë në rrugë për të marrë autorizimin. Italia është i vetmi vend i G8 - ës që nuk prodhon energji elektrike nga burimet nukleare. “Kemi ndërmend ta prodhojmë vet atë duke rikuperuar traditën tonë teknologjike dhe industriale në bashkëpunim me Francën, SHBA-në dhe Rusinë”, tha Skajola.

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)