31 Mars 2023

Sllovenia, 63.5 milionë euro garanci për bankat

Ljubljanë, 2 mars - Ministria e Financave të Sllovenisë bëri të ditur se ka dhënë në garanci për bankat 63.5 milionë euro, ose 86 milionë dollarë, për 7 banka që operojnë në treg.

Sllovenia është vend anëtar i Eurozonës dhe garancia jepet për kreditë që kanë dhënë bankat në këtë periudhë të krizës së likuiditeteve. Ndërkohë vetë garancia për bankat është pjesë e planit qeveritar prej 1,2 miliardë euro për të rritur likuiditetin në vend.

Vlera totale e garancive do të shkojë në 100 milion euro dhe synimi i qeverisë është që 65% e kësaj shume të shkojë për kompanitë vendase. Ministria e financave sllovene deklaroi se nga garancitë përfituan njësitë vendase të bankës italiane Intesa Sanpaolo dhe ajo e austrisë Sparkasse.

Deri më tani qeveria sllovene ka dhënë një total prej 655.5 milionë euro garanci, por instituti qeveritar slloven për studimet makroekonomike ka deklaruar se pavarësisht kësaj shume tregu i kreditimit nuk ka treguar shenja të përmirësimit.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)