24 Mars 2023

Sindikatat: Kryeministri në largim po i anashkalon shërbyesit civil

Prishtinë, 23 nëntor - Sindikata e Pavarur e Administratës dhe sindikata e pavarur e Judikaturës që përfaqësojnë të drejtat dhe interesat e të punësuarve në organet e Administratës Komunale dhe qendrore dhe në organet e Jurispodencës së Kosovës, reagojnë ashpër ndaj një vendimi të kryeministrit të Kosovës në largim i botuar në mjetet e informimit publik në Kosovë, i cili premton një rritje të pagave selektive vetëm për kategoritë e arsimit fillor dhe të mesëm në Kosovë.

Sipas një njoftimi këto sindikata, janë të shqetësuara dhe irrituar jo nga fakti se kryeministri në largim ju premton një rritje të kësaj kategorie të pagave si shpresëdhënëse për përmasimin e pozitës së tyre materiale, por për faktin se kryeministri në largim nuk i përfshin dhe i anashkalon shërbyesit tjerë civil dhe kategoritë tjera të të punësuarve që financohen nga buxheti i Kosovës që është një veprim i padrejtë dhe jo real, veçmas kur kihet parasysh pozita shumë e keqe materiale e të punësuarve në Administratës Publike në nivelin lokal dhe qendror të Kosovë.

"Ky shqetësim merr karakter edhe më shqetësues, bazuar në faktin se ndoshta Qeveria në dorëheqje ka të pregaditur projekt buxhetin për vitin 2011, me të cilin projekt-buxhet mund të mos jenë të përfshira në rritje apo nivelim të pagave edhe kategoritë tjera që financohen nga buxheti i Kosovës që do të ishte i papranueshëm për këto kategori të të punësuarve të cilat janë kategoritë më të anashkaluar dhe më të papërfillura nga qeveria e Kosovës."

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)