24 Mars 2023

“Shujtë për të gjithë”, edhe në Prishtinë

Prishtinë, 18 gusht - Ministria e Punës dhe Mirëqenies Sociale, (MPMS), pas projektit në Mitrovicë “Shujtë për të gjithë”, ka vazhduar në Prishtinë për ushqimin e të varfërve.

Kësaj iniciative i janë bashkuar me mjete ndihmë edhe Komuna e Prishtinës, Aleanca Kosovare e Biznesit, PTK-ja dhe “Raiffeisen Bank”.

Ministri i MPMS-së, Nenad Rashiç tha se projekti do të vazhdojë në të ardhmen.

“Falënderojë të gjithë ata që kanë ndihmuar në këtë projekt dhe shpresoj se edhe në të ardhmen do të vazhdojë kjo iniciativë për ushqimin e të varfërve që janë në nevojë”.

Ndërsa kryetari i Prishtinës, Isa Mustafa tha se Komuna ka dhënë 10 mijë euro, dhe sipas tij, kjo shumë është solide për t’i ushqyer të varfëritë në muajin e Ramazanit.

“Ne do të bëjmë përpjekje maksimale që këtë projekt ta bashkërendisim me Ministrinë e Punës dhe Mirëqenies Sociale në mënyrë që ata që e meritojmë të jenë përfitues dhe nëse kërkohet vazhdimi i këtij projekti ne do ta mbështesim me mjete shtesë”, tha Mustafa.

Kryetari i Aleancës Kosovare të Biznesit, (AKB), Agim Shahini tha se gjithmonë bizneset e Kosovës do t’i mbështesin iniciativat që kanë të bëjmë ne ndihmën e të varfërve.

“Në këtë kohë të krizës ne duhet të mendojmë edhe për kategoritë e varfra të Kosovës dhe t’i ndihmojmë në mënyra të ndryshme”, tha Shahini.

Ndërsa ““Raiffeisen Bank”, e ka ndihmuar projektin me një ndihmë prej 600 mijë euro që është edhe shumë më e madhe e siguruar për këtë projekt.

Drejtori ekzekutiv i“Raiffeisen Bank”, Robert Wright tha se kjo ndihmë do të vazhdojë sepse sipas tij, ndihma për të varfrit është diçka shumë humane.

“Raiffeisen Bank’, edhe në të ardhmen do t’i ndihmojë projektet e tilla dhe jemi shumë të lumtur që po i ndihmojë këto kategori”, tha Wright.

 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)