24 Mars 2023

Raiffeisen Bank prezanton shërbimin e ri Premium Banking

Prishtinë, 18 mars - Sot, në një ceremony solemne ku janë të ftuar klientë të bankës dhe përfaqësues të institucioneve vendore dhe ndërkombëtare, Banka Raiffeisen në Kosovë prezanton shërbimin e ri Premium Banking.

Ky shërbim bazohet në modelet ndërkombëtare për të ofruar shërbime bankare premium për klientë të caktuar duke iu mundësuar atyre të kenë zyrtarin e tyre personal bankar, këshilla për menaxhimin e mjeteve, mundësi për investime brenda dhe jashtë Kosovës si dhe një listë të zgjeruar të shërbimeve dhe produkteve bankare sipas standardeve më të larta.

"Që nga fillimi i punës së saj në Kosovë, Banka Raiffeisen gjithmonë ka prezantuar produkte dhe shërbime të reja në tregun kosovar duke u përpjekur kështu të plotësojë kërkesat e klientëve të saj”, tha Robert Wright, drejtor i përgjithshëm i Bankës Raiffeisen. “Shërbimi Premium Banking do ta pasurojë edhe më tutje listën e shërbimeve të bankës dhe do t’iu mundësojë klientëve të përfitojnë shërbime të veçanta bankare”, shtoi z. Wright.

Duke mos lënë anash edhe përgjegjësinë sociale ndaj rajonit ku vepron, Banka Raiffeisen me këtë rast do të ndajë një shumë prej 60,000 Euro për të mbështetur projektin e Kuzhinës Popullore i cili menaxhohet nga Ministria e Punës dhe Mirëqenjes Sociale.

Robert Wright, drejtor ekzekutiv i Bankës Raiffeisen dhe Nenad Rasic, Ministër i Punës dhe Mirëqenies Sociale dhe do të nënshkruajnë një kontratë tri vjeçare sipas së cilës Banka Raiffesen çdo vit do ta përkrahë projektin e Kuzhinës Popullore me nga 20 mijë Euro.

Ky projekt do të realizohet me mbështetjen financiare nga buxheti i Republikës së Kosovës dhe nga donatorë të ndryshëm, duke përfshirë në këtë rast edhe Bankën Raiffeisen. Synimi i këtij projekti është që të ofrohet një shujtë e ngrohtë për individë apo familje me nevojë në qytete të ndryshme në Kosovë.

“Është gjithmonë kënaqësi e veçantë për Bankën Raiffeisen të jetë pjesë e projekteve të Qeverisë së Republikës së Kosovës dhe të ndihmojë sadopak në mirëqenjën sociale të komunitetit ku vepron. Krahas aktiviteteve të suksesshme të afarizmit, banka e konsideron të nevojshme të përkrahë projektet sociale të cilat kanë një ndikim të drejpërdrejtë në jetën e qytetarëve”, tha Robert Wright, drejtor ekzekutiv i Bankës Raiffeisen.

Banka Raiffeisen në Kosovë ka hapur degën e saj të parë për Premium Banking në Prishtinë në gusht të vitit 2009. Gjatë tremujorit të katërt të vitit 2009, Banka zgjeroi shërbimin edhe në degët tjera kryesore duke mbuluar kështu gjithë territon e Kosovës. Banka Raiffeisen aktualisht iu shërben më shumë se 4.000 klientëve premium dhe qëllimi i Bankës është të rris numrin e klientëve premium në 6.000 deri në fund të vitit 2010.
 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)