Zagreb, 23 dhjetor - Paga mesatare e paguar neto në Kroaci në tetor arrinte 5.351 kuna (733 euro) publikoi Enti shtetëror për statistikë i Kroacisë.

Paga mesatare në tetor është për 1,1 për qind, apo për 60 kuna më e madhe në krahasim me muajin paraprak, gjegjësisht për 1,43 për qind, apo për 72 kuna në krahasim me muajin e njëjtë të vitit të kaluar.

Sipas burimit të njëjtë, paga mesatare bruto në tetor në Kroaci ka qenë 7.650 kuna (1.048 euro), që është për 1,4 për qind më shumë në krahasim me vitin e kaluar.