Romë, 28 janar - Në Italinë e cila po përpiqet të kapërcejë krizën e borxheve, populli ka ankesë për faturën e rëndë që qeveria u ka ngarkuar atyre.

Krahas shtrëngimit të brezave, kur edhe disa sektorë kanë filluar të ndjekin rrugën e rritjes së konkurrencës për të mbështetur rritjen ekonomike, në vend kanë filluar në mënyrë të njëpasnjëshme demonstratat e protestave dhe grevat.

Qeveria, e drejtuar nga Kryeministri Mario Monti, i cili po përpiqet që Italia të mos mbetet nën ngarkesën e rëndë të borxheve, nga njëra anë mundohet të mbyllë deficitin buxhetor, nga ana tjetër po mundohet që të bindë investitorët se ajo ka strategji për të luftuar me krizën e borxheve.

Faza e dytë e paketës me masa në sektorin e ekonomisë që aplikohet në vend, kryesisht mbështet rritjen ekonomike.

Por hedhjet e hapave për rritjen e konkurrencës në disa sektorë me këtë qëllim kanë mbledhur reagim.

Shoferët e taksive dhe të kamionëve, janë ndër ata që po e ngrenë zërin nëpër protesta dhe greva...

Shoferët e kamionëve ankohen për rritjen e çmimeve të karburantit. Ata bllokuan rrugët për të bërë që zëri i tyre të dëgjohet.

Qeveria duke sjellë në rend rregullime të reja me qëllim për të rritur konkurrencën, ka mbledhur edhe reagimin e farmacistëve, avokatëve dhe noterëve.

Politikat e qeverisë italiane përfshijnë edhe rritje në taksa dhe prerje në rrogat e pensionistëve.