Inflacioni në Eurozonë në shkurt 0.9 për qind
Bruksel, 17 mars - Inflacioni në Eurozonën është zvogëluar pak në shkurt dhe arrin 0,9 për qind në bazë vjetore, pasi që në janar arriti një për qind, publikoi shërbimi statistikor i Bashkimit Evropian, Eurostat.
Prej korrikut të vitit 2009 kur arriti rënie historike prej 0,7 për qind, inflacioni filloi të rritet dhe në janar arriti nivelin më të lartë gjatë 11 muajve të kaluar.
Shkalla më e ulët e inflacionit në shkurt nga vendet e Bashkimit Evropian (BE) është regjistruar në Letonia (-4,3 për qind), Irlandë (-2,4 për qind), Lituani
(-0,6 për qind), ndërsa më e lartë në Hungari (5.6 për qind), Rumani (4,5 për qind) dhe Poloni (3,4 për qind).
Në bazë vjetore, më së shumti janë rritur çmimet e alkoolit dhe cigareve, si dhe të transportit (4,3 për qind). Rritja e çmimeve të transportit në masë të madhe sqarohet me rritjen e çmimeve të karburantit, saktëson Eurostat.
Në llogari të kësaj, çmimet e ushqimit janë zvogëluar për 1,1 për qind në bazë vjetore, ndërsa kjo ka të bëjë më së shumti me zvogëlimin e çmimit të qumështit, të djathit dhe vezëve
