Berlin, 26 maj - Qeveria gjermane po përgatit një plan masash me gjashtë pika për të mbështetur rritjen ekonomike në vendet në vështirësi të zonës euro, që parashikon veçanërisht vendosjen e zonave të lira, konfirmoi sot e përjavshmja \'\'Der Spiegel\'\'.

Berlini po mbështet krijimin e zonave të lira në shtetet e goditura nga kriza në zonën euro për të tërhequr investitorët e huaj me reduktime fiskale dhe rregulla më pak kufizuese, vijon e përjavshmja pa cituar burimet.

Ky projekt parashikon gjithashtu se shtetet në krizë të reformojnë tregun e tyre të punës sipas modelit gjerman duke e bërë më fleksibël ligjin për mbrojtjen kundër largimeve nga puna apo uljen e pagave.

Për kapërcimin e vështirësive të tyre, këto shtete mund të krijojnë organizma të ngarkuar me privatizimin e ndërmarrjeve publike, një model i privilegjuar nga Gjermania pas bashkimit për transferimin e pasurive nga ish-Republika Demokratike e Gjermanisë.