Tbilisi, 23 mars - Gjeorgjia, ish-republikë sovjetike, pati në vitin 2011 një rritje ekonomike me shtatë për qind duke regjistruar kështu një rritje të Prodhimit të Brendshëm Bruto për të dytin vit radhazi pas rënies në vitin 2009, theksoi sot Shërbimi Gjeorgjian i Statistikave.

Ky vend i vogël i Kaukazit, që regjistroi në vitin 2009 një rënie të PBB-së në 3,8 për qind, për shkak të krizës botërore dhe luftës së hapur me Rusinë në gusht të vitit 2008, regjistroi rritje ekonomike në vitin 2010 me 6,4 për qind.