Frenohet ekonomia shqiptare, tkurret kreditimi
Tiranë, 29 maj - Ekonomia shqiptare po përballet me një tjetër ngadalësim të ritimit të rritjes së saj, gjatë tre muajve të parë të këtij viti.
Banka e Shqipërisë ka konstatuar në raportin e fundit, se kjo ka ndodhur për shkak të politikave shtërnguese në kreditim, por edhe rënies së investimeve nga bizneset.
Ndërkohë Banka e Shqipërisë evidenton se niveli i inflacionit ka pësuar rënie duke arritur në 3,5% dhe duke u rikthyer kështu brenda objektivit të parashikuar.
Sipas ekspertëve të bankës gjatë 3 muajve të fundit kostoja e jetesës në vend u rrit për shkak të shtrenjtimit të mallrave të konsumit, rritjes së cmimeve në tregjet botërore por edhe zhvlerësimit të lekut kundrejt valutave të forta.
Institucioni i lartë monetar ka evidentuar gjithashtu se gjatë 3 muajve të parë të këtij vitit eksportet janë rritur me 45,1% kundrejt të njëjtës periudhë të vitit të kaluar, ndërkohë që imprtet kanë rënë me 2,3%.
Kjo trëegon për ulje të fuqisë blerëse në treg dhe për orientimin e konsumatorëve drejt kursimit, një tjetër element ky i evidentuar nga Banka e Shqipërisë në analizën e saj për ekonominë.