29 Mars 2024

FER: është ironike që ky raport të quhet Raporti i Progresit

Prishtinë, 11 nëntor - Pas leximit të detajshëm të Raportit të Progresit të Komisionit Evropian, FER-i shfaqi shqetësimet lidhur me të gjeturat e këtij Raporti.

Shpend Ahmeti, në një konferencë për media, prezentoi qëndrimin e FER-it në lidhje me Raportin e Progresit të Komisionit Evropian.

Raporti i Progresit sipas Ahmetit ka një rëndësi të veçantë për Kosovën ngaqë ai  tregon se sa afër ose larg është Kosova drejt integrimit Evropian.

Për dallim nga viti i kaluar, gjuha e përdorur në raportin e sivjetëm sipas tij është më e vrazhdë dhe nuk është pozitive për Kosovën.

"Ndër të tjera, raporti thekson se Kosova ka probleme me korrupsionin dhe krimin e organizuar, progresi në ekonomi është shumë i kufizuar, gazetarët vazhdojnë të jenë të kërcënuar dhe të kenë presion politik, si dhe ka ndërhyrje politike në sistemin e Këshillit Gjyqësor të Kosovës", ka deklaruar Ahmeti.

Pas leximit të detajshëm të këtij dokumenti të Këshillit Evropian, FER-i konsideron se është ironike që ky raport të quhet Raporti i Progresit kur në fakt na tregon se në Kosovë në vitin 2010 pothuajse nuk ka patur progres fare.

Ai ka vleresuar se progresi që e ka arritur Kosova këtë vit është kryesisht në fushat në të cilat pinstitucionet e Kosovës nuk kanë patur fare dorë.

Kjo sipas Ahmetit e dëshmon mungesën e angazhimit të institucioneve të Kosovës drejt eliminimit të kritikave nga Raporti i njejtë vitin e kaluar.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)