22 Mars 2023

Ekonomia e Britanisë rritet me 0.5 për qind

Londër, 13 korrik - Zyra e Statistikave Kombëtare të Britanisë së Madhe ka njoftuar se Produkti i Brendshëm Bruto (PBB) i Britanisë vlerësohet të jetë rritur me 0.5 për qind në maj, pas një rënie prej 0.2 për qind në prill.

PBB-ja tani ka arritur në 1.7 për qind mbi nivelin e saj para pandemisë së COVID-19 në shkurt 2020, sipas Zyrës së Statistikave.

Sektori i shërbimeve shënoi rritje me 0.4 për qind në maj, mbështetur nga aktivitetet e shëndetit të njerëzve dhe punës sociale.

Prodhimi u rrit me 0.9 për qind në maj, falë rritjes prej 1.4 për qind në prodhim dhe 0.3 për qind në furnizimin me energji elektrike, gaz, avull dhe ajër të kondicionuar.

Sektori i ndërtimit u rrit për të shtatin muaj radhazi, me një rritje prej 1.5 për qind në maj.

Rritja vjetore e PBB-së mujore ishte 3.5 për qind në 12 muajt deri në maj, pak më pak nga 3.7 për qind sa ishte në prill, thuhet më tej.

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)