Frankfurt, 9 maj - Kreu i Bankës Qendrore Europiane, Mario Draghi, ka folur mbi "rrezikun e protestave ekstreme për shkak të papunësisë në Greqi".

Këto deklarata ai i bëri gjatë gjatë ceremonisë së marrjes së një titulli nga Universiteti Luiss, në kryeqytetin italian.

"Ka 20 vjet që zhvillohet një proces i vazhdueshëm i përqendrimit të të ardhurave, i cili dëmton qytetarët më të dobët nga ana ekonomike", tha Draghi, duke shtuar se nevojitet një pjesëmarrje më e barabartë në pasurinë kombëtare, që të rritet kohezioni social.

"Papunësia, sidomos e të rinjve, ka arritur në nivele të tilla që mund të shkaktojë protesta ekstreme dhe shkatërruese", tha presidenti i BQE-së Mario Draghi. Për këtë arsye, sipas tij, është e nevojshme një rritje e qëndrueshme ekonomike.

Presidenti i Bankës Qendrore Evropiane vuri në dukje se, në të kaluarën, mjaft vende të zonës së euros kanë ndërmarrë shumë reforma me rëndësi jetike për konkurrencën e tyre dhe la të kuptohej që, nëse është e nevojshme, Banka Qendrore Europiane mund të shkojë në një ulje të mëtejshme të normave të interesit të kreditimit, edhe pse kjo masë duhet të studiohet me shumë kujdes.