26 Mars 2023

Borxhi i Irlandes shqetëson Evropën

Bruksel, 19 nëntor - Përfaqësues të Bashkimit Evropian, Bankës Qendrore Evropiane dhe të FMN-së këtë javë do të shtrojnë në tryezë problemin e borxhit të Irlandës.

Ministrat e Financës të Zonës Euro të cilët u takuan pardje në Bruksel kanë rënë në ujdi që Irlanda e cila po lufton me borxhet, të marrë mbështetje prej Fondit Monetar Ndërkombëtar në sektorin bankar.

Qeveria e Irlandës ka bërë të ditur se deri në vitin e ardhshëm nuk ka nevojë për borxh për shpenzimet publike.

Kurse Drejtori i Bankës Qendrore të Irlandës Patrick Honohan ka kërkuar që Irlanda të pranojë kredi prej Bashkimit Evropian dhe FMN-së.

Honohan duke u shprehur se kjo kredi edhe në rast se nuk do të përdoret do të jetë një tampon financiar për bankat e Irlandës tha: "Është e vërtetë se bankat tona kanë nevojë për një siguri të mëtejshme".

Ndërkohë sa vijnë dhe po shtohen shqetësimet në lidhje me problemin e borxhit të Irlandës pas deklaratës që u bë muajin e kaluar se për shpëtimin e 5 bankave irlandeze duhen 45 miliardë euro.

Deficiti i buxhetit të Irlandës për vitin 2010 është rritur deri në 32% të prodhimit të brendshëm bruto.

Qeveria irlandeze po përgatitet që në buxhetin e vitit 2011 të kursejë 4,5 miliardë euro si dhe të aplikojë taksa të reja të vlerës 1,5 miliardë euro. 

Kalendari

Ngjarjet e datës 26 mars 2023

- Kryeministri i Kosovës, Albin Kurti, bën homazhe në Krushë të Madhe dhe në Krushë të Vogël. (Krushë e Madhe, ora 8:00)

- Presidentja e Republikës së Kosovës, Vjosa Osmani bën homazhe në Kompleksin Memorial të dëshmorëve dhe të martirëve në fshatin Krushë e Madhe. (Krushë e Madhe, ora 11:00)

- Aleanca për Ardhmërinë e Kosovës mban konferencë për media. (Holli i Kuvendit të Republikës së Kosovës, ora 12:00)