Banka Botërore do të vazhdoj ta mbështes Kosovën
Prishtinë, 4 prill - Ministri i Financave Bedri Hamza ka pritur sot në takim zëvendëspresidentin e Bankës Botërore për Evropë dhe Regjionin e Azisë Qendrore Philippe H. Le Houerou dhe znj. Jane Armitage Drejtoreshë për Kosovën në Bankën Botërore.
Ministri Hamza duke falënderuar Le Houerou dhe znj. Armitage për bashkëpunimin dhe për mbështetjen e vazhdueshme që Banka Botërore është duke i dhënë Kosovës, tha se Projekte të shumta të cilat janë duke u implementuar nga Banka Botërore japin kontribut të madh në zhvillimin ekonomik dhe shoqëror të vendit.
Ndërsa, Houerou duke falënderuar Ministrin Hamza për mikpritjen u zotua se Kosova do të ketë mbështetjen e vazhdueshme nga Banka Botërore, sidomos në sektorët të cilat sigurojnë zhvillim ekonomik, përkatësisht sektori i energjisë dhe përmirësimi i ambientit për zhvillimin e sektorit privat.
Ai me këtë rast përshëndeti edhe arritjen e marrëveshjes me Fondin Monetar Ndërkombëtar.