Bruksel, 2 shkurt - Papunësia në Bashkimin Evropian arriti nivelin më të lartë që pas vendosjes së monedhës së përbashkët, konfirmon një raport i Eurostat-it.

Të dhënat tregojnë se për momentin janë pa punë 23,8 milionë evropianë.

Ndërkohë, 16 milionë të papunë janë në 17 vendet e eurozonës, thënë ndryshe sa popullsia e Holandës.

Papunësia është më e madhe në Spanjë (23 për qind), Greqi (19 për qind) dhe Lituani (15 për qind), ndërsa më e vogël në Austri, Holandë dhe Luksemburg, ku përqindja lëviz në shifrën pesë.