24 Mars 2023

UNDP me projekt të ri për hulumtim të opinionit publik

Prishtinë, 22 shtator - Programi i Kombeve të Bashkuara për Zhvillim (UNDP) mbajti sot një tryezë një ditore për të shënuar fundin e projektit të Sistemit të Paralajmerimit të Hershëm dhe fillimin e projektit të ri ‘Pulsi Publik’.

Ngjarja mblodhi hisedarë nga vendi dhe misionet ndërkombëtare, përfaqësues të shoqërisë civile dhe medias sikurse edhe opinion bërës dhe kuadër akademik.

Gjatë kësaj ngjarjeje pjesëmarrësit paten mundësinë për informim dhe diskutim mbi qasjen e hulumtimit, tematikat prioritare dhe mënyrat e bërjes së ‘Pulsit Publik’ sa më aktual në shërbim të politikë-bërjes dhe medias dhe të kuptuarit e brengave sociale dhe ekonomike të qytetarëve të Kosovës.

Ndryshe nga Raporti i Paralajmërimit të Hershëm që kishte qëllim parandalimin e krizave, raporti i ri do të shërbeje më tepër si platformë për përmirësimin e dialogut demokratik.

Krahas publikimit te gjetjeve te hulumtimit te opinionit publik, Pulsi Publik do të fokusohet edhe në ndërtimin e planeve dhe strategjive të institucioneve publike në përmirësimin e komunikimit me qytetarët.

Pulsi Publik do  të hartohet çdo gjashtë  muaj dhe bashkëfinancohet nga USAID dhe UNDP. Faktet kryesore të raportit do të bazohen në analizat statistikore të hulumtimit të opinionit publik - intervistat ballë për ballë dhe do të përfshinë 1,290 të intervistuar. 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)