29 Mars 2023

Turqia serish goditet nga një tjetër tërmet 7.7 ballë

Ankara, 6 shkurt - Turqia ka marrë një tjetër goditje të rëndë pak më parë, teksa është regjistruar një lëkundje pas tërmetit shkatërrues të mëngjesit.

Sipas mediave vendase, tërmeti ka ndodhur pak minuta më parë me magnitudë 7.7 ballë, ndërsa epiqendra ka qenë në Turqinë qendrore.

Agjencia për Menaxhimin e Fatkeqësive dhe Emergjencave të Türkiye-s (AFAD), njoftoi se magnituda e tërmetit që ndodhi në rajonin Pazarcık në qytetin Kahramanmaraş rreth orës 04:17 është revizionuar në 7.7 ballë pas punimeve të detajuara sizmilogjike, transmeton Anadolu.

Në një deklaratë nga llogaria e saj në median sociale, AFAD tha se "Forca e tërmetit që ndodhi këtë mëngjes sot në rajonin Pazarcık (Kahramanmaraş) rreth orës 04:17 është revizionuar në 7.7 ballë me punimet e detajuara sizmilogjike".
 
Ndërsa disa orë me herët Turqia u godit nga një termet 7.8 balle i cili la të paktën 500 të vdekur, teksa mijëra gjenden ende poshtë rrënojave të shkatërrimit që la pas tërmeti 7.8 ballë në Turqinë juglindorë në orët e para të mëngjesit të sotëm.

Lëkundjet u ndjenë pak pas orës 4 të mëngjesit të së hënës me orën lokale, 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin.
    

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)