24 Mars 2023

Rusia sulmoi një stacion treni në Ukrainë, 25 vdekur

Kiev, 25 gusht -  Është rritur në 25 numri i personave që kanë humbur jetën në sulmin e ndërmarrë nga ushtria ruse ndaj stacionit të trenit në zonën Chaplyne, në rajonin Dnipropetrovsk të Ukrainës.

Zëvendës shefi i zyrës së presidentit të Ukrainës, Kyrylo Tymoshenko, në një deklaratë nga llogaria e tij Telegram, deklaroi se kanë përfunduar punimet e kërkim shpëtimit në zonën e goditur nga raketat në Chaplyne.

"Si pasojë e bombardimit nga pushtuesit rusë ndaj banesave dhe stacionit të trenit, kanë humbur jetën 25 persona, përfshirë 2 fëmijë dhe janë plagosur 31 të tjerë", tha Tymoshenko.

Dje forcat ruse kryen sulm me raketa ndaj stacionit të trenit në zonën Chaplyne të Ukrainës.

Presidenti i Ukrainës, Volodymyr Zelenskyy, fillimisht deklaroi se 15 persona u vranë dhe 50 tjerë u plagosën në një sulm të forcave ruse ndaj një stacioni treni në Ukrainë.

Në fjalimin e tij me video-konferencë në Këshillin e Sigurimit të Kombeve të Bashkuara (OKB), Zelenskyy tha se raketat e lëshuara nga forcat ruse goditën një stacion treni në qytetin Chaplyne në lindje të vendit.

Duke theksuar se 4 nga vagonët morën flakë, Zelenskiy tha se, "15 persona humbën jetën dhe 50 tjerë u plagosën. Kështu jetojmë çdo ditë. Kështu u përgatit Rusia për këtë takim të Këshillit të Sigurimit të OKB-së".

Zelenskyy theksoi se ekipet e shpëtimit vazhdojnë punën e tyre dhe se numri i të vdekurve mund të rritet.

Kujtojmë se dje Ukraina kishte 31 vjetorin e pavarësisë së saj si shtet, ndërkaq nga lufta me Rusinë tashmë më shumë se 6 muaj kanë humbur jetën mbi 1 mijë fëmijë. 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)