31 Mars 2023

PE miratoi një deklaratë të përbashkët për Kosovën

Bruksel, 23 qershor - Delegacioni i Republikës së Kosovës, i kryesuar nga kryetari i Kuvendit, dr. Jakup Krasniqi, i cili po qëndron në Bruksel, ka marrë pjesë në punimet e ditës së dytë të takimit të tretë ndërparlamentar, Parlamenti Evropian – Kosova. 

Gjatë takimit u zhvilluan diskutime konstruktive dhe u fol për arritjet në Kosovë. Në vijim të agjendës, anëtari i Kryesisë së Kuvendit, Sllobodan Petroviq dhe kryetari i Grupit Parlamentar 7+, Xhezair Murati, folën për të drejtat e njeriut, deputeti Berim Ramosaj foli rreth sfidave të ekonomisë, ndërsa sa i përket lehtësimit të lëvizjes së njerëzve në zonën Shengen: ripranimit, lehtësimit dhe liberalizimit të vizave, para europarlamentarëve foli kryetarja e Komisionit për Integrime Evropiane, Zylfije Hundozi.

Rreth këtyre çështjeve diskutuan edhe kryetari i Kuvendit, Jakup Krasniqi dhe zëvendëskryeministri Hajredin Kuçi.

Pati diskutime të shumta edhe nga deputetë të Parlamentit Evropian, të cilat shtruan një sërë pyetjesh në adresë të anëtarëve të delegacionit të Kosovës. Delegacioni i Kosovës paraqiti fakte dhe të dhëna të shumta, të cilat u vlerësuan lart nga europarlamentarët.

Në fund, pas diskutimeve të gjera, u harmonizua dhe u miratua një deklaratë e përbashkët e Parlamentit Evropian dhe Kosovës.

Takimi kaloi në një frymë shumë të mirë bashkëpunimi dhe kjo u vlerësua edhe nga udhëheqësi evropian i takimit, z. Eduard Kukan.

Në orët e pasdites, kryeparlamentari Jakup Krasniqi zhvilloi një takim edhe me zëvendëspresidentin e Parlamentit Evropian, Miguel Martinez, i cili kishte shtruar një drekë për delegacionin.

Ngjarje tjetër e rëndësishme për Kosovën në Bruksel, po ashtu në Parlamentin Evropian, ishte miratimi nga Këshilli i Politikës së Jashtme i Rezolutës për Kosovën.

Në ditën e parë të takimit, ndërkaq, kryeparlamentari Jakup Krasniqi dhe zëvendëskryeministri Hajredin Kuçi, prezantuan para europarlamentarëve të arriturat e Kosovës gjatë një viti, sfidat nëpër të cilat ka kaluar ajo gjatë këtyre proceseve dhe objektivat për të ardhmen.

U fol gjerësisht për luftën kundër krimit, liberalizimin e vizave, zhvillimin ekonomik etj., ndërsa u kërkua që të qartësohen hapat konkretë të integrimit evropian të Kosovës si dhe të hapet procesi i dialogut ndërmjet Kosovës dhe Parlamentit Evropian për liberalizimin e vizave.

Nga diskutimet u rikonfirmua vazhdimi i ndihmës së gjithanshme të Parlamentit Evropian për Kosovën dhe se Bashkimi Evropian do të jetë në mbështetje të proceseve integruese të Kosovës në të ardhmen.

Delegacioni i Republikës së Kosovës nesër kthehet në atdhe.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)