29 Mars 2023

Parlamenti Evropian miraton hyrjen e Kroacisë në Schengen

Bruksel, 10 nëntor - Parlamenti Evropian ka dhënë miratimin që Kroacia të përfshihet në Schengen, zonën e udhëtimit pa viza në Evropë.

Raporti i përgatitur në parlament lidhur me çështjen, u miratua me 534 vota pro dhe 53 kundër. Në këtë mënyrë Parlamenti Evropian ka miratuar heqjen e kontrolleve të kufijve të brendshëm mes Kroacisë dhe anëtarëve të zonës Schengen.

Këshilli i Evropës më 9 dhjetor 2021 njoftoi se Kroacia ka përmbushur kushtet e nevojshme për anëtarësim në Schengen.

Parlamenti në raportin e miratuar sot i bëri thirrje Këshillit të Evropës të vazhdojë procesin dhe të japë vendimin përfundimtar lidhur me heqjen e kontrolleve kufitare.

Vendimi përfundimtar lidhur me çështjen duhet të merret unanimisht nga Këshilli i Evropës i cili përbëhet nga vendet e Bashkimit Evropian.

Aktualisht në zonën Schengen ndodhen 26 vende, të cilat më përjashtim të Bullgarisë, Rumanisë, Kroacisë, Administratës së Qipros Greke dhe Irlandës, përfshijnë vendet anëtare të BE-së si dhe Norvegjinë, Islandën, Zvicrën dhe Lihtenshtajnin që nuk janë anëtare të BE-së. Këto vende mund të udhëtojnë pa viza ndërmjet tyre.

Parlamenti Evropian ka dhënë mbështetjen që zonës Schengen t'i bashkohet edhe Bullgaria dhe Rumania.

 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)