Berlin, 20 shtator - Pak para fillimit të samitit kundër varfërisë në Kombet e Bashkuara, kancelarja gjermane Angela Merkel ka kërkuar një luftë më të denjë kundër urisë dhe varfërsisë në botë.

Është një lajm i mirë fakti se gjatë viteve të kaluara numri i të uriturve në botë është zvogëluar në rreth 100 milionë, por luftimi i varfërisë po ecën shumë ngadalë, deklaroi kancelarja.

Merkel udhëton për në Nju Jork ku do të zhvillohet samiti i 65-të i OKB-së. Presidentët dhe kryeministrat e shteteve anëtare  në këtë takim do të nxjerrin një bilanc për realizimin e qëllimeve të parashtruara para dhjetë vitesh.

Objektivat synojnë përgjysmimin e numrit të të uriturve dhe të varfërsisë ekstreme deri në vitin 2015.