27 Mars 2023

Kuvendi i Kosovës dhe Sllovenisë, me Memorandum Bashkëpunimi

Prishtinë, 24 qershor - Dokumenti i nënshkruar nga sekretarët e të dy kuvendeve, Ismet Krasniqi dhe Mojca Prelesnik, precizon se të dy palët  janë të pajtimit për të ruajtur kontaktin në mes të dy administratave të tyre dhe të ri-konfirmojnë gatishmërinë e tyre për shkëmbimin e ekspertëve, në baza bilatelare dhe brenda një kornize të re, mundësisht me ndihmën financiare të pjesëmarrësve tjerë dhe në bashkëpunim me ish anëtarët e Konzorciumit dhe se kjo marrëveshje nuk përfshin detyrime financiare nga asnjëra palë nënshkruese e këtij memorandumi.

Në dokumentin e nënshkruar nga sekretarët e të dy kuvendeve, Ismet Krasniqi dhe Mojca Prelesnik thuhet:

Janari i vitit 2008 shënoi përfundimin e Projektit të AER-it “Mbështetja e mëtejme për Kuvendin e Kosovës”, në bazë të së cilës Assemblee nacionale e Francës, Bundestagu gjerman, Kuvendi Kombëtar i Sllovenisë, Chambre des Representants e Belgjikës dhe Instituti Francez në Paris la Defense, kanë vepruar si Konzorcium për të mbështetur Kuvendin e Republikës së Kosovës.

Brenda kornizës së Projektit, ekspertët nga Asambleja Nacionale e Sllovenisë kanë hartuar disa propozime që lidhen me buxhetin dhe menaxhimin financiar, bibliotekën dhe arkivin, dokumentacionin dhe regjistrimin e postës, dhe mbi të gjitha organizimin e një administrate të qëndrueshme dhe të pavarur si kusht jetik për kualitetin e çdo  kuvendi parlamentar.

Si rezultat i implementimit të Projektit dhe bashkëpunimit të mirë në nivel bilateral, është arritur përparim i dukshëm në vitet e kaluara.

Pas përfundimit të këtij Projekti, Kuvendi i Republikës së Kosovës dhe  Kuvendi Kombëtar i Republikës së Sllovenisë u pajtuan që të vazhdojnë bashkëpunimin në suaza bilaterale.

Sekretarët e Përgjithshëm të Kuvendit Kombëtar të Republikës së Sllovenisë dhe të Kuvendit të Republikës së Kosovës janë plotësisht të vetëdijshëm se Projekti  “Mbështetja e mëtejme Kuvendit të Kosovës”, sado i suksesshëm të ketë qenë, nuk iu ka përgjigjur të gjitha pyetjeve dhe as nuk i ka zgjedhur të gjitha problemet, dhe gjithsesi Kuvendi i Republikës së Kosovës do të ballafaqohet me sfida të reja në muajt e ardhshëm.

Prandaj, të dy palët  janë të pajtimit për të ruajtur kontaktin në mes të dy administratave të tyre dhe të ri-konfirmojnë gatishmërinë e tyre për shkëmbimin e ekspertëve, në baza bilatelare dhe brenda një kornize të re, mundësisht me ndihmën financiare të pjesëmarrësve tjerë dhe në bashkëpunim me ish anëtarët e Konzorciumit.

Kjo marrëveshje nuk përfshin detyrime financiare nga asnjëra palë nënshkruese e këtij memorandumi.

Bashkëpunimi do të zgjasë deri më 31 dhjetor 2010.
 

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)