Beograd, 25 shkurt - Shefi i diplomacisë serbe, Vuk Jeremic ka thënë se ndarja e Kosovës mund të jetë njëri ndër opsionet.

Sipas tij shumë veta nga komuniteti ndërkombëtar janë të këtij mendimi.

”Ka gjithnjë e më shumë njerëz në qarqet ndërkombëtare të cilët e shohin se projekti i imponimit të pavarësisë së Kosovës ka rënë në vështirësi dhe se është e domosdoshme të gjendet ndonjë zgjidhje kompromisi. Shumë prej tyre konsiderojnë se ndarja mund të ishte një nga opsionet”, ka thënë Jeremic për shtypin serb.