Bruksel, 4 shkurt - Sekretari i Përgjithshëm i Këshillit të Evropës, Thorbjorn Jagland, i ka bërë thirrje kryeministrit në largim, Hashim Thaçi, që të bashkëpunojë me drejtësinë për akuzat për trafikim organesh.

“Në këtë aspekt, kryeministri i Kosovës, Hashim Thaçi, duhet të ndryshojë qëndrimin e tij dhe të bashkëpunojë. Parimi themelor është që askush nuk është fajtor përderisa nuk dëshmohet e kundërta. Për këtë na duhen prova, por është obligim yni që të hetojmë, dhe prej aty të gjykojmë”, ka thënë ish-kryeministri norvegjez në një intervistë për spanjollen "El Pais".

Ai ka thënë se nëse akuzat nuk marrin përgjigje do të mbesin plagë të hapura që do të dëmtojnë për kohë të gjatë rajonin.