31 Mars 2023

Gallup: Pavarësia e Kosovës, faktor stabiliteti në Ballkan

Prishtinë, 7 gusht - Pavarësia e Kosovës paraqet faktor pozitiv për stabilitetin e Ballkanit Perëndimor, duke tentuar të krijojë paqe për gjithë vendet e këtij rajoni.

Një fakt të tillë e kanë cilësuar qytetarët e Kosovës, Shqipërisë dhe Kroacisë gjatë një anketimi të zhvilluar nga instituti “Galup - Evropa dhe Fondi ballkanik evropian”, i titulluar si "Galup Monitor Ballkanik".

Gjatë përgjigjeve rreth tij, ata kanë deklaruar se pavarësia e Kosovës në mënyrë afatgjate pozitivisht do të reflektohet mbi gjendjen e Ballkanit.

Duke shprehur bindjen e tyre se pavarësia e Kosovës përbën një faktor pozitiv për stabilitetin në rajonin tonë dhe se ndaj duhet të mbështetet.

Konkretisht, hulumtimi tregon se mëse 90 përqind e kroatëve besojnë se pavarësia e Kosovës paraqet faktor pozitiv për stabilitetin në Ballkan.

Ndërsa në Shqipëri, 77 për qind e të anketuarve vlerësojnë se pavarësia e Kosovës pozitivisht do të ndikojë mbi ngjarjet në rajonin tonë të përbashkët.

Ndërsa në Maqedoni, të anketuarit kanë qenë më indiferentë, pasi 55 % e tyre nuk kanë shprehur fare mendim për pavarësinë e Kosovës.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)