27 Mars 2023

Ashton: Thaçi dhe Tadiqi do të caktojnë se kur do të fillojë dialogu

Bruksel, 28 tetor - Përfaqësuesja e lartë e Bashkimit Evropian për politikë të jashtme dhe të sigurisë, Catherine Ashton sot deklaroi se datën për fillimin e dialogut mes Prishtinës dhe Beogradit dhe temat të cilat do jenë në rend dite duhet t\'i përcaktojnë kryeministri kosovar Hashim Thaçi dhe presidenti serb, Boris Tadiq.

\"Thaçi dhe Tadiqi ende nuk janë të gatshëm për këtë\", tha Ashton, duke iu përgjigjur pyetjes së një deputeti në Këshillin për punë të jashtme të Parlamentit evropian.

Ajo tha se BE-ja është e interesuar për temat praktike, të cilat do ta përmirësonin jetën e përditshme të njerëzve.

\"Sa larg do të shkohet dhe cilat tema do të hapen varet nga ajo që do ta arrijmë në fillim të këtij dialogu\", tha Ashton.

Përfaqësuesja e lartë e Bashkimit Evropian për politikë të jashtme dhe të sigurisë para Këshillit të PE-së iu përgjigj edhe pyetjeve për procesin paqesor në Lindjen e Afërt, gjendjen në Afganistan, luftën kundër piratëve në Gjirin e Adenit, programin bërthamor iranian dhe për marrëdhëniet partnere të Evropës me Kinën, SHBA-në dhe Rusinë.

Të rinj nga Kosova dhe Serbia filluan debat në Beograd

- Derisa Serbia dhe Kosova përgaditen për bisedime me ndërmjetësimin e Bashkimit Evropian, një grup i të rinjve filluan dialog publik.

Në debatin në Beograd pesë serbë dhe pesë mysafirë të tyre nga Kosova biseduan për çështje të ndryshme, prej problemeve në jetën e përditshme deri në politikë.

Organizatorët e diskutimit - Iniciativa rinore për të drejta e njeriut, sqaruan se ideja është të vendoset komunikim ndërmjet të rinjve nga Serbia dhe Kosova, të cilët janë ndarë nga lufta.

\"Dialogu është mënyra e vetme që të rrëzohen muret, të cilat mbetën pas luftës mes Serbisë dhe Kosovës në periudhën 1998-1999\", thanë pjesëmarrësit në diskutimin.

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)