29 Maj 2023

Turqia regjistron 2,6 milionë turistë të huaj në prill

Ankara, 23 maj - Turqia ka regjistruar 2,6 milionë turistë të huaj në prill, më shumë se trefish nga një vit më parë, sipas shifrave zyrtare të publikuara sot.

Pavarësisht rritjes prej 225,6 për qind në bazë vjetore, shifra e prillit akoma nuk ka kapërcyer nivelin para pandemisë në vitin 2019, treguan të dhënat e Ministrisë së Kulturës dhe Turizmit.

Stambolli, qyteti më i madh i Turqisë për nga popullsia dhe një nga destinacionet kryesore turistike, mirëpriti 40 për qind të të gjithë vizitorëve të huaj, ose gati 1 milion në prill.

Ajo u pasua nga qyteti turistik mesdhetar Antalya me 661.609 turistë të huaj dhe Edirne në veriperëndim të Turqisë, e cila kufizohet me Bullgarinë dhe Greqinë, me 359.303 vizitorë të huaj.

Për sa u përket kombësive të turistëve të huaj, gjermanët zënë vendin e parë me 15,4 për qind, afro 400.000 vizitorë, në të njëjtën periudhë, e ndjekur nga bullgarët (10,5 për qind ose 271.000) dhe britanikët (8,8 për qind ose 225.000).

Kalendari

Ngjarjet e datës 29 maj 2023

- Deputetja e Parlamentit Evropian dhe Raportuesja e Përhershme për Kosovën Viola Von Cramon - Taubadel do të mbajë një konferencë për shtyp. (Shtëpia e Evropës në Prishtinë përballë Zyrës së BE-së, ora 11:30)
 
- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore. (Ndërtesa e Kuvendit, salla C203, ora 13:30)

- Koncerti i radhës, bashkëpunim i Chopin PianoFEST Prishtina me Filharmonine e Kosovës, sjell në skenë 2 artistë të shquar  nga Mbreteria e Bashkuar Peter Donohoe, doajenin e pianos dhe dirigjentin Robert Guy, për të performuar së bashku me Filharmoninë e Kosovës Koncertin nr.3 të S. Rachmaninof, me rastin e 150 vjetorit të këtij kompozitori gjenial të epokës së romantizmit. (KlanArena, ora 20:00)