Financial Times: Shqipëria, destinacioni turistik i 2011
New York, 13 janar - Pas CNN, është prestigjozja Financial Times e cila e rendit Shqipërinë si një ndër destinacionet e rekomanduara për vitin 2011.
\"Ndonëse europianët kanë zgjedhur të kursejnë, ajo që ofrohet në Shqipëri, është një përzierje e këndshme e argëtimit, qetësisë, burimeve të mrekullueshme natyrore për të cilën ia vlen barra qeranë ta vizitosh\", thuhet në artikullin e Financial Times.
\"Pushimet në këtë vend thotë gazeta janë të përballueshme. Është një vend i qetë, me një panoramë mbreslënëse të bregdetit. Turistët aventurierë, edhe ata kanë ç\'të gjejnë në Shqipëri. Bjeshkët e Namuna në veri të vendit ofrojnë atë që çdo aventurier që ka shëtitur botën duhet të shohë patjetër; Pyjet e mrekullueshme, kafshët e rralla dhe fshatrat e pasur në folklore\", shkruan FT.
Pak kohë më parë i njëjti rekomandim është dhënë edhe nga rrjeti televiziv amerikan CNN.
